كيف فيك تعرف الله شخصيا وتختبر محبتو؟
الله خلقك لعلاقة حقيقية معو
وبيسوع المسيح فتحلنا طريق الرجوع إلو
الله خلقنا لعلاقة معو
بالبداية الله خلقنا من محبتو لنكون بعلاقة وشركة معو. الحياة الحقيقية مش بس إننا نعرف معلومات عن الله لكن إننا نعرفو ونعيش بعلاقة شخصية معو.
«وهذه هي الحياة الأبدية أن يعرفوك أنت الإله الحقيقي وحدك ويسوع المسيح الذي أرسلته»
يوحنا الإصحاح ١٧ الآية ٣
الخطية فصلتنا عن الله
الله عطى الانسان حرية الاختيار لكن الانسان اختار طريقو بدل طريق الله. دخلت الخطية إلى حياتنا وفصلتنا عن الله روحيا وما فينا نلغي هيدا الانفصال بأعمالنا او بقوتنا.
«إذ الجميع أخطأوا وأعوزهم مجد الله»
«ولكن الله بين محبتو لنا لانه ونحن بعد خطاة مات المسيح لاجلنا»
الله ما تركنا
بسبب محبتو النا إجا يسوع المسيح وعاش بيننا بلا خطية. مات على الصليب لاجل خطايانا وقام من الموت ليعطينا الغفران والحياة الجديدة. بيسوع المسيح وحدو صار في طريق بيرجعنا لله.
دعوة لحياة جديدة
الانجيل مش بس معلومات منعرفها عن يسوع. هو دعوة إننا نتوب ونؤمن فيه ونقبلو رب ومخلص لحياتنا. الخلاص عطية من الله ما منقدر نربحو بأعمالنا لكن منقبلو بالايمان بيسوع وبالعمل يلي عملو لاجلنا.
«واما كل الذين قبلوه فاعطاهم سلطانا أن يصيروا أولاد الله أي المؤمنون باسمه»
يوحنا الإصحاح ١ الآية ١٢
فيك تحكي مع الله
الصلاة بحد ذاتها ما بتخلصنا لكنها بتعبر عن توبة الانسان وايمانو وقرار قلبو. اذا هيدي الصلاة بتعبر عن قرارك فيك تصليها بكلماتك.
يارب يسوع
بعترف إني خاطي ومحتاج لغفرانك
بآمن إنك مت على الصليب لأجل خطاياي وقمت من الموت لتعطيني حياة جديدة
بتوب وبرجع لعندك وبقبلك رب ومخلص لحياتي
سامحني وغيرني وعلمني إني اتبعك وعيش معك واثبت فيك
امين
هل هيدي الصلاة بتعبر عن قرار قلبك؟
اذا صليت هيدي الصلاة من قلبك او بعد عندك اسئلة عن الايمان ويسوع نحنا موجودين لنسمعك ونكمل معك.